အရင် ၄ ရက်လောက်က ကျွန်တော်ကျောင်းမှာ သုံးတဲ့ စက်မှာ မထင်မှတ်ပဲ keylogger တစ်ခုထည့်ထားတာ တွေ့လိုက်ရတယ်။ အမှန်ဆို သတိထားမိဖို့ မလွယ်ဘူး။ ကျွန်တော်က အင်တာနက်သုံးတိုင်း portable browser နဲ့ပဲ သုံးတာဆိုတော့ browser firefox က extension တွေထည့်တာများသွားတော့ ချက်ချင်းမတက်ဘူး။ ဒါကြောင့် အမြဲဖွင့်တိုင်း Firefox ကို task manager က process မှာ firefox ကို priority မှာ အမြဲမြင့်ပေးနေကျဆိုတော့ ဖွင့်လိုက်တော့ အဲဒီမှာ keylogger ဆိုတဲ့ အကောင် run နေတာတွေ့ရတာပဲ။ ဒါနဲ့ မသိတော့ gtalk မှာ စခါစက password ရိုက်လိုက်မိတော့ ချက်ချင်း password ပြောင်း ရတယ်။ password ပြောင်းတော့ အသစ်ပြောင်းတာကို ရိုက်မထည့်ပဲ အိမ်က ယူလာတဲ့ notepad ထဲက စကားလုံးတစ်လုံးကို အသစ်ပြောင်းလိုက်တယ်။ ကျွန်တော်နဲ့ တွေ့တဲ့ keylogger မှာ snap ဖမ်းတဲ့ဟာ တော့ မပါတော့ နဲနဲလှည့်လို့ရသေးတယ်။ နောက် အဲဒီ keylogger အကောင်ကို uninstall လုပ်ဖို့လုပ်တော့ ဒီကောင်က password တောင်းတယ်။ မရဘူး။ ဒါနဲ့ registry မှာ သူ့ကိုလိုက်ရှာပြီး ဖျက်ရတယ်။ ပြီးတာနဲ့ ချက်ချင်း အဲဒီ keylogger name နဲ့ uninstall လုပ်ဖို့ လိုက်ရှာရပြန်ရော။ ကျောင်းမှာတော့ စက်ထဲမှာ keylogger တွေ့ရပေမယ့်။ အမြဲသုံးနေကျ အိမ်နားက ကဖေးမှာတော့ မတွေ့မိဘူး။ သူတို့က ဒါမျိုးလုပ်လိမ့်မယ်လို့လည်း မထင်ဘူး။

အဲဒီအကောင်ကို ဘယ်သူသွင်းသွားလည်းတော့ ကျွန်တော်လည်း မသိဘူးဗျ။ ကျွန်တော်စက်မှာ ထိုင်တော့ ကျွန်တော့်အရှေ့က သုံးသွားပုံရတဲ့ သူရဲ့ အကောင့်နာမည်ကို Gtalk မှာ တွေ့ရတယ်။ နောက် ကျွန်တော်တို့ စာသင်ပြီးတော့ ကျွန်တော့်ဘေးက စက်မှာ တစ်ယောက်လာထိုင်တယ် သူသုံးတာ ခုနက ကျွန်တော့်စက်မှာတွေ့ရတဲ့ Google အကောင့်ပဲ ပြီးတော့ အဲဒီတစ်ယောက် ကျွန်တော့်စက်ဘက်ကို မသိမသာကြည့်နေတာတော့တွေ့ရတယ်။ ကျွန်တော်လည်း အသေအချာတော့မပြောနိုင်ဘူး။ ထားပါလေ ဒီလို သူများ အကောင့်ကို ခိုးဖို့ကြိုးစားတာကတော့ တကယ်စိတ်ပျက်ဖို့ ကောင်းတဲ့ အလုပ်ပဲဗျာ။ ကျွန်တော် screenshot ဖမ်းတာကို လက်ခံနိုင်သေးတယ် ဒီလို အကောင့်ခိုးတာတော့ လုံးဝစိတ်ပျက်တယ်ဗျာ။ ကျွန်တော်မှာ ဒီအကောင့် အခိုးခံရပြီဆိုရင် အခုရေးနေတဲ့ ဘလော့ခ်တောင် ရေးလို့ရမှာမဟုတ်တော့ဘူး။ ကိုယ်ချင်းစာစိတ်မရှိတဲ့သူတွေပဲဗျ။ ကျွန်တော်တို့ တစ်ခုခုလုပ်တော့မယ်ဆိုရင် ပထမဆုံး ခံရမယ့်သူနေရာကနေ အရင်ခံစားကြည့်သင့်တယ်လို့ထင်တယ်။ အပျော်လုပ်တာပဲဖြစ်ဖြစ် အတည်ပဲဖြစ်ဖြစ်ပေါ့ဗျာ။ ကျွန်တော်ကတော့ အဲဒီလိုမျိုးတွေ hacker တွေဘာတွေ လုံးဝ စိတ်ပျက်တယ်။ သူများကို ဒုက္ခရောက်အောင်လုပ်ရတာ ပျော်စရာကောင်းတယ်လို့ မထင်မိဘူးဗျာ။ သူများကို hacking လုပ်ရတာ ပျော်စရာကောင်းမကောင်း ကိုယ်တိုင်ခံရမှ သိမှာပဲ။ ကျွန်တော်ကိုယ်တိုင်လည်း ကြုံရင် hacking ဆိုဒ်တွေမှာ ၀င်ဖတ်ပေမယ့် သူများ ဒုက္ခရောက်အောင်မလုပ်ဘူး။ ကိုယ့်ဘာသာကိုယ် သိထားရုံနဲ့ ကိုယ့်ဖာသာကာကွယ်နိုင်အောင်ပဲ ဖတ်တယ်။ မိတ်ဆွေတို့လည်း သူများကို hack ခါနီးရင် စဉ်းစားပါ ငါလုပ်တာ ပျော်စရာကောင်းရဲ့လားလို့။

Key Logger, Hacking, Tracking