Image Hosting ဆိုတာ ဖိုရမ်ရေးသူတွေ၊ ဘလောခ့်ဂါတွေ အတွက် အရေးပါတဲ့ အကြောင်းအရာ တစ်ခုပါ။ ဖိုရမ်တွေမှာ များသောအားဖြင့် ဖိုရမ်မာတွေ တင်လိုတဲ့ ပုံတွေကို host လုပ် ပေးလေ့မရှိပါဘူး။ အဲဒီအခါ ဖိုရမ်မှာ ပုံတွေတင်ဖို့ အတွက် Image Hosting ဆိုဒ်တွေမှာ တင်ရပါတယ်။ ဘလောခ့်တွေမှာတော့ များသောအားဖြင့် Blog Service ပေးတဲ့ ဆိုဒ်တွေက ပုံကိုပါ တခါတည်း သူတို့ဆီမှာ host လုပ်တဲ့ ၀င်ဆောင်မှု ပေးကြပါတယ်။ သို့သော်လည်း ယခု Blogger လို ဓာတ်ပုံအတွက် ဆိုဒ် အကန့်အသက်ရှိတဲ့ အခါမျိုးမှာ Image Hosting က လိုအပ်ပြန်ပါတယ်။

Blogger မှာ ယခု လောလောဆယ်တော့ Image Hosting အတွက် blog တစခုကို 1024 MB ရပါတယ်။ ဒီ ပမာဏဟာ များတယ်လို့ ထင်ရပေမယ့် နှစ်ပေါင်းများစွာ ဘလောခ့်ရေးချင်တဲ့ အခါမျိုးမှာ ယခုပေးထားတဲ့ အကန့်အသတ်က နည်းပါးလှပါတယ်။ နောင်မှာတော့ Blogger က Image Host လုပ်ပေးတဲ့ ပမာဏ တိုးကောင်းတိုးလာ နိုင်ပါတယ်။ အဲဒီအခါမှာ ဘလောခ့်ဂါတွေ အနေနဲ့ Image Hosting ဆိုဒ်တွေက အရေးပါလာပြန်ပါတယ်။

နောက် ယခုဆိုရင် Blogger ကို မြန်မာမှာ ဘန်းထားတဲ့ အတွက် တချို့ Domain ၀ယ်ပြီး ဘလောခ့်ကို ပြောင်းကြတဲ့ အခါမှာ ဒိုမိန်းတွေ Post Pages Link တွေက ဒိုမိန်းနဲ့ ပြောင်းသွား နိုင်ပေမယ့်။ ပို့စ်မှာ ဓာတ်ပုံတွေကို Blogger က Image Hosting ကို ပဲ ယူသုံးထားရင် ပြည်တွင်းက စာဖတ်သူက တင်ထားတဲ့ ပုံတွေကို မြင်ရမှာ မဟုတ်ပါဘူး။ အလားတူပဲ Comment link မပြောင်းတဲ့ အတွက် comment လည်း ကြည့်ဖို့ ခက်ပါတယ်။ Blogger ရဲ့ Image Hosting Service က နဂို ဆိုဒ်အသေးကို ကလစ်လုပ်ရင် မူလဆိုဒ်ကို ပြန်ရနိုင်အောင် အဆင်ပြေပေမယ့်။ ဒီလို ဘန်းတဲ့ အခါကျတော့ အဆင်မပြေတော့ပါဘူး။


Image Hosting တွေ များစွာရှိတဲ့ အထဲက ကျွန်တော် သုံးဖူးသမျှထဲမှာ Photobucket က အဆင်ပြေဆုံးပါပဲ။ တစ်ခုပဲရှိပါတယ် အဲဒီဆိုဒ်က အကောင့်ရှိမှ Host လုပ်လို့ရတာပါ။ free ပါပဲ အကောင့်က။ ပုံတင်ချင်တဲ့ အခါ Log in တော့ ၀င်ရပါတယ်။ ဒါပေမယ့် သူ့မှာတင်ထားတဲ့ ပုံတွေက ဘယ်တော့မှ ပျောက်သွားတယ် ဆိုတာမရှိပါဘူး။ တင်တဲ့ အခါမှာ ကုဒ်ကိုလည်း တခါတည်း ကူးထည့်ရုံပါပဲ။

Imageshark.us လို hosting မျိုးမှာ bandwidth လစ်မစ်ရှိပါတယ်။ သူ့ဆီမှာ တစ်နေ့ကို bandwidth ဘယ်လောက်ဆိုတာ သတ်မှတ်ထားပါတယ်။ မိတ်ဆွေရဲ့ ဘလောခ့်ကို တနေ့တည်းနဲ့ လူများများကြည့်တဲ့ အခါ လစ်မစ်ကျော်သွားရင် တင်ထားတဲ့ပုံတွေ မြင်ရတော့မှာ မဟုတ်တော့ပါဘူး။ Photobucket မှာတော့ အဲဒီလို ပြသနာမရှိပါဘူး။ တစ်ခုတော့ရှိပါတယ် သှူ့ဆီမှာတော့ နဂိုမူလပုံဆိုဒ်ကို click လုပ်ပြီး ကြည့်လို့ရမယ့် service တော့ မရှိပါဘူး။ အဲဒီလို clickable image hosting မှာ Post Image က အဆင်ပြေပါတယ်။ ပြီးတော့ Photobucket မှာ ဗီဒီယိုဖိုင်လည်း တင်လို့ရပါတယ်။ အခုလို ပြည်တွင်းမှာ Video sharing ဆိုဒ်တွေ ဘန်းလာတဲ့ အချိန်မှာ အဲဒီ ဗီဒီယို hosting က အမှတ်တရ ဗီဒီယိုလေးတွေ တင်ဖို့ အတော် အဆင်ပြေပါတယ်။ နောက် အရန်သင့် slide show လုပ်ဖို့ frame တွေလည်း အများကြီးရှိပါတယ်။

သတိထားရမှာက ပို့စ်မှာ ပုံတွေတင်တဲ့ အခါ တခြားဆိုဒ်တွေက ပုံကို source code ကြည့်ကူးပြီး ပို့စ်ထဲမှာ တန်းထည့်လိုက်တာမျိုးမလုပ်သင့်ပါဘူး။ Blogger ရဲ့ blogspot က အခြားဘလော့ခ်တွေက ပုံတွေ ယူသုံးတာမျိုးက မသိသာပေမယ့် ကိုယ်ပိုင် hosting နဲ့ လုပ်နေတဲ့ web site က ပုံတွေကို အဲဒီလို ယူသုံးရင် သူများ bandwidth ကို ခိုးသုံးသလို ဖြစ်ပါတယ်။ အယူခံရတဲ့ ဆိုဒ်ကလည်း သူတို့ ပုံကို ဘယ်ဆိုဒ်က ယူသုံးနေတယ် ဆိုတာသိပါတယ်။ ကျွန်တော်တို့ မြန်မာ ဘလောခ့်တွေကို အထင်အမြင်သေးသွား နိုင်ပါတယ်။ တကယ်လို့ အခြားဘလောခ့်တွေ ဆိုဒ်တွေကပုံတွေ သုံးချင်ရင် ကိုယ့်စက်ပေါ်အရင် Save လုပ်ပြီးမှ Hosting ပေါ် ပြန်တင်တာမျိုး လုပ်သင့်ပါတယ်။ အခြား ဖိုင်တွေလည်း အဲဒီလိုပါပဲ။ ညွှန်းရင် သူတိှု့ဆီက Download လုပ်ဖို့ ပေးထားတဲ့ web page ကိုပဲ ညွှန်းရပါမယ်။ Download လုပ်မယ့် file ရဲ့ address ကို တိုက်ရိုက် ယူမသုံးရပါဘူး။ နောက် ပုဂ္ဂိုလ်ရေးနဲ့ ပက်သက်တဲ့ image တွေ၊ စီးပွားရေးနဲ့ ပက်သတ်တဲ့ image တွေ ကိုလည်း မူလပိုင်ရှင်ရဲ့ ခွင့်ပြုချက်မရပဲ တင်ခွင့်မရှိပါဘူး။ နောက် မိတ်ဆွေတို့ ပုံတွေတင်တဲ့ အခါမှာ ပုံကို လိုက်ဖက်မယ့် အင်္ဂလိပ် နာမည်ပေးသင့်ပါတယ်။ နောင်အခါ Search Engine တွေမှာ Image Search လုပ်ခွင့်ပေးတဲ့ အခါမှာ ကိုယ့် ဘလောခ့်က ပုံတွေပါ သူတို့ရှာနိုင်အောင်လို့ပါ။

Image Hosting ဆိုဒ်တွေကတော့

မနေ့က အားနေတာနဲ့ ဟာသ ပုံလေးတစ်ပုံ လျှောက်လုပ် လိုက်သေးတယ်ဗျာ။ Bloggerကနေ Word Press ကို Mr.Bean ရဲ့ mini လေးနဲ့ ရွှေ့တဲ့ပုံလေ။ Blogger logo လေး အက်နေလို့ မစိုးရိမ်ကြပါနဲ့ Blogger က ဘာမှမဖြစ်ပါဘူး။ ဒီမှာသာ Blogger ကို ဘန်းထားလို့ အက်နေတာလေး ထည့်ထားတာပါ။ တကယ်တော့ ကျွန်တော် အိမ်ပြောင်း တော့မလို့လေ။ အိမ်ပြောင်းမယ် ဆိုတာထက် အိမ် အသစ်တစ်လုံး ထပ်ဆောက်တယ်လို့ ပြောရင် ပိုကောင်း မယ်ထင်တယ်။ ကျွန်တော် Word Press မှာ အကောင့် အသစ်လုပ်ပြီး ဒီဘလောခ့်ရော Word Press မှာရော ရေးမလို့။ ဟိုမှာတော့ ကျွန်တော် အင်္ဂလိပ်လို ရေးမယ်လို့ စိတ်ကူးထားတယ်။ ဘာလို့ ဒီ အကြံတွေရလာလဲဆိုတော့။ ဒီလိုလေ......

ကျွန်တော်တို့ဆီမှာ Internet Service Provider (ISP) နှစ်ခု ရှိတဲ့ အထဲက Myanmar Teleport (MTP အရင် Bagan) က ပြီးခဲ့တဲ့ စက်တင်ဘာလ တတိယ အပတ်ထဲမှာ Blogger နဲ့ Blogspot ကို ဘန်းလိုက် ပါတယ်။ ကွက်ဘန်းတာ မဟုတ်ပါဘူး။ *.blogspot.com အားလုံး ဘန်း တာပါ။ ကံကောင်းစွာပဲ နောက် ISP တစ်ခုဖြစ်တဲ့ Myanmar Posts And Telecommunications က တော့ Blogspot လင့် နဲ့ ဘလောခ့် တချို့ကိုပဲ ဘန်းပါတယ်။ Blogger.com နဲ့ အခြား Blogspot ဘလောခ့်တွေကို မဘန်းပါဘူး (အခုထိ မဘန်းသေးပါဘူး)။ အဲဒီလို ဖြစ်လာတော့ ကျွန်တော်တို့ ပြည်တွင်းက ဘလောခ့်ဂါတွေ အခက်ကြုံရပါတယ်။ ဘလောခ့်ရေးဖို့ ကွန်နက်ရှင် နှေးနှေးနဲ့ Web Proxy တွေကနေ ကျော်ခွဝင်ရတာ တကယ် ပင်ပန်းပါတယ်။ တချို့ proxy တွေက ကြာလည်းကြာတဲ့ အပြင် ရပြန်တော့လည်း Blogger.com က တက်ပါရဲ့ sign in ၀င်စရာ နေရာလေးကျတော့ တက်မလာဘူး။ အဲဒီလိုတွေ ဖြစ်လာတော့ ကျွန်တော်အပါအ၀င် ပြည်တွင်းက ဘလောခ့်ဂါတွေ အခြား blog service တွေကို လှည့်ကြည့်ရပါတော့တယ်။

ဘလောခ့်တွေထဲမှာ ကျွန်တော်အကြိုက်ဆုံးကတော့ Word Press ပါပဲ။ သူ့မှာက template ပြောင်းချင်ရင် ပိုက်ဆံပေးရတာကြောင့် template စိတ်ကြိုက်ပေးပြောင်းပြီး မြန်မာလို ရေးရ အဆင်ပြေတဲ့ Blogger ကို ရွေးခဲ့တာပါ။ အခုတော့ Word Press ကို အကောင့်လုပ်ပြီး စမ်းနေပါတယ်။ အင်္ဂလိပ် လိုရေးမယ်လို့ စိတ်ကူးထားတယ်။ အင်္ဂလိပ်လိုရေးချင်ပေမယ့် အင်္ဂလိပ်စာ ဘာမှမသိတော့ အခုမှစပြီး စာပြန်ဖတ်နေရတယ်ဗျာ။ နောက် ပိုက်ပိုက်ရှိခဲ့ရင် ဒိုမိန်းလည်း ၀ယ်မယ်။ ရေးဖြစ်ရင်တော့ အကြောင်းအရာက ဒီ ဘလောခ့်လိုပဲ funny, amazing, music, guitar, computer technology, game စတဲ့ ၀ါသနာပါရာ အကြောင်းအရာတွေကိုပဲ simple english နဲ့ ရေးမှာပါ။ အခုဒီ www.tayzar44.blogspot.com ကို လည်း မြန်မာ ဘလောခ့်တစ်ခု အနေနဲ့ အောင်မြင်အောင် အမြဲ ဆက်ရေးသွားမှာပါ။ အဲဒီ ဘလော့ခ် ရေးရင်လည်း လာရောက် အားပေးပါဦးလို့ ကြိုဖိတ်ပါတယ်။

Community site My Blog Log ကို Yahoo! က ၀ယ်လိုက်ပြီထင်တယ်ဗျ။ အခု Yahoo! အကောင့်နဲ့ပါဝင်လို့ရနေပြီ။ ခက်တာက Sign In page က https နဲ့ yahoo လင့်ကို ညွန်းတာဆိုတော့ ဒီက MPT ISP က https နဲ့ Yahoo လင့်ကို သွားတာ ဘန်းထားတယ်။ ကျွန်တော် avator သွားပြောင်းမလို့ဟာ ၀င်လို့မရတော့ဘူးဗျာ။

Ko Myo Thant

ကျွန်တော့်ရဲ့ ၀ါသနာတွေထဲမှာ ဓာတ်ပုံလှလှလေးတွေစုရတာလည်း ၀ါသနာပါပါတယ်။ ဘယ်လိုပုံတွေစုဖြစ်လဲဆိုတော့ ကာတွန်းတွေ နဲ့ music band ပုံတွေက အများဆုံးပေါ့။ နောက် ရှုခင်းအလှပုံတွေ ရှားပါးဓာတ်ပုံတွေလည်းစုပါတယ်။ နောက်အဲဒီပုံတွေနဲ့ တစ်နေ့တစ်မျိုး မရိုးရအောင် ကွန်ပျူတာ desktop ပုံတွေလည်း ပြောင်းပါတယ်။ တနေ့က ဂိမ်းကာတွန်းပုံတွေ လျှောက်ရှာရင်းနဲ့ ဆိုဒ်တစ်ခုကိုသွားတွေ့တယ်။ Deviant Art တဲ့။ ပုံတွေက အစုံပဲဗျာ။ ကာတွန်းရော လူပုံတွေရော။ နောက် ရှုခင်းအလှ ဓာတ်ပုံတွေ။ အကုန် ဂရပ်ဖစ် မိုက်တယ်။ template banner လုပ်ဖို့ ကာတွန်းလေးတွေဆိုလည်း အဆင်သင့်ပဲ။ ကဗျာ ဘလောခ့်တွေ အတွက် ကဗျာ သရုပ်ဖော်ပုံတွေ ထည့်ရင် တော်တော်လှမှာပါ။ နောက်ကိုဆွဲထားတဲ့ ပုံတွေလည်း အကောင့်လုပ်ပြီး ပြန်ရှဲလို့ရတယ်။ လောလောဆယ် ကျွန်တော်ကူးလာတဲ့ ပုံလေးတွေ နမူနာကြည့်ကြည့်ရင် ဘယ်လောက်ကောင်းတယ်ဆိုတာ သိမှာပါ။







Technorati Tags: deviantart, art, photo, image, photo sharting, web site, graveyard

MRTV 4 နှင့် ဆက်စပ်ရုပ်သံလိုင်းများကို အွန်လိုင်းတွင် ကြည့်ရှုနိုင်အောင် စီစဉ်နေပါပြီ။ ယခု လောလောဆယ် beta version ပဲရှိပါသေးတယ်။ မြန်မာရုပ်သံတွေထဲမှာတော့ ကျွန်တော်အကြိုက်ဆုံးက MRTV 4 ပါ။ အဲဒီလိုင်းက တစ်ခုကောင်းတာက သတင်းနှင့် ကြော်ငြာ မလာတာပါ။ တချို့ အစီအစဉ်တွေက လွဲရင် အကုန်ကြိုက်ပါတယ်။ ကြိုက်တာက ဂစ်တာတီးသင်တဲ့ အစီအစဉ်လည်းကြိုက်တယ်။ လောလောဆယ် ကိုစိုင်း နှင့် နိုင်ဇော် (lazy club) တို့က သင်တဲ့ အစီအစဉ်ရှိတယ်။ နောက် Movie Mistakes အစီအစဉ် ကြိုက်တယ်။ အဲဒီဆိုဒ်မှာ သုံးထားတာက Myanmar 2 Unicode ကို သုံးထားပါတယ်။

အင်တာနက် သုံးစွဲသူများဟာ ကိုယ်လိုချင်တဲ့ အချက်အလက် ရဖို့ Search Engine တွေမှာ အများဆုံး ရှာဖွေ ကြပါတယ်။ အဲဒီလိုရှာရာမှာ တခါတရံမှာ ကိုယ်လိုချင်တဲ့ အချက်အလက်ကို SE (Search Engine) က ရှာပေးရာမှာ စိတ်တိုင်းကျတဲ့ ရလဒ်မျိုး မရရှိတတ်ပါဘူး။ ဘာလို့လဲဆိုတော့ သူရဲ့ ရလဒ် ကို ရှာဖွေ ပေးတာက လူမဟုတ်ပဲ Web Spider (Web Crawler, Web Robot) ဆိုတဲ့ program လေးက ရှာဖွေ ပေးလို့ပါ။ သူက ဘယ်လို ရှာပေးလဲဆိုတော့ ကိုယ်ရိုက်ထည့်လိုက်တဲ့ query (ရှာလိုတဲ့ စာသား) ပါတဲ့ Site တွေ မှန်သမျှကို လိုက်ရှာပြီး result ပြပေးခြင်း ကြောင့်ပါ။

ဒါကြောင့် တခါတရံမှာ ကိုယ်ရှာတဲ့ အကြောင်းအရာ query ကို စာသား အကြောင်းအရာနဲ့ ဆိုင်တဲ့ အချက်အလက် တစ်ကြောင်းနှစ်ကြောင်းလောက်သာ ပါဝင်တဲ့ site တွေပါ result မှာ တွေ့ရမှာပါ။ ဒီလိုရလဒ်မျိုးတွေထက် ပိုပြီးတိတိကျကျရှာဖွေ ချင်တယ်ဆိုရင်တော့ Advanced Web Search ကိုသုံးပြီး ရှာနိုင်ပါတယ်။ ဒီလို Advanced Web Search ကို နာမည်ကျော် Search Engine တော်တော်များများမှာ ၀န်ဆောင်မှုပေးထားပါတယ်။ ဥပမာ - Google ရဲ့ Google Advanced Web Search Form ကို ဖြည့်၍ ရှာခြင်းဖြင့် လိုချင်တဲ့ အချက်အလက်ကို တိတိကျကျ ရှာလို့ရပါတယ်။

တချို့ အကြောင်းအရာတွေ ဥပမာ Music, Game, Sports & Travel စတဲ့ အရှာများတဲ့ အကြောင်းအရာတွေကို ရှာဖွေရာမှာ စိတ်တိုင်းကျ ရလဒ်မျိုး မရခဲ့ရင်တော့ Topic တူ အကြောင်းအရာ တူတွေ စုစည်းပေးထားတဲ့ Topic Directory ကနေ ရှာဖွေတာက ပိုကျေနပ်ဖို့ ကောင်းပါလိမ့်မယ်။ ဒီလို Directory Search ကို နာမည်ကျော် Search Engine တွေမှာ ရရှိနိုင် ပါတယ်။ သူ့ကို Topic Directory, Category List, an Index, Directory စသည်ဖြင့် ခေါ်ဝေါ် ကြပါသေးတယ်။

Search Engine တွေမှာ ဒီလို Directory Search တွေအပြင် File Extension နဲ့ ကိုယ်လိုချင်တဲ့ ဖိုင် အမျိုးအစား တွေကိုလည်း ရှာလို့ ရနိုင် ပါတယ်။ ဥပမာ ကိုယ်က mp3 ဖိုင် ရှာချင်တယ် ဆိုပါစို့ index of mp3 လို့ ရိုက်ထည့်ပြီး ရှာလိုက်လို့ ရပါတယ်။ ဒါဆိုရင်သူက mp3 ဖိုင် ရနိုင်တဲ့ ဆိုဒ်တွေကို လာပြပေးမှာပါ။ ဆိုဒ်ကို ကလစ် နှိပ်လိုက်ရင် သူကဆိုဒ်ရဲ့ Directory ကို ရောက်သွားမှာ ဖြစ်ပါတယ်။ အဲဒီလို mp3 ဖိုင် အပြင် တခြား wma, mov, exe စသည်ဖြင့် ကိုယ်ရှာလိုတဲ့ ဖိုင် extension ကို index of နောက်မှာ ထည့်ရှာလို့ ရပါတယ်။ ဖိုင် extension အမျိုးအစား အများကြီးကို တခါထဲ တန်းရှာချင်တယ် ဆိုရင်တော့ ဥပမာ - index of (wmv|mov|mp4|mpg|avi) ဆိုပြီး ရှာချင်တဲ့ extension တွေကို | လေးခြားပြီး ရှာနိုင်ပါတယ်။



သီချင်း ကြိုက်သူများ အတွက်ကတော့ Search Engine ကို အသုံးချစရာ နည်းလမ်းတွေ ရှိပါသေးတယ်။ နောက်ဆုံးထွက် latest သီချင်းတွေကို ရှာချင်တယ် ဆိုရင်တော့ ဒီကုဒ်လေးသုံးပြီး ရှာလို့ရပါတယ်။
-inurl:htm -inurl:html intitle:"index of" "Last Modified" mp3 လို့ ရိုက်ထည့်ပြီး သီချင်း အသစ် တွေကို ရယူနိုင် ပါတယ်။ mp3 မဟုတ်ပဲ တခြားဖိုင် လိုချင်ရင်လည်း mp3 နေရာမှာ လိုချင်တဲ့ ဖိုင် extension ကို ရိုက်ထည့်ပြီး နောက်ဆုံး update လုပ်ထားတဲ့ ဖိုင်တွေ ရနိုင် ပါတယ်။ သီချင်းဖိုင်ကို သီချင်းနာမည် ဒါမှမဟုတ် သီချင်းဆိုသူ အမည်နှင့် ရှာချင်တယ် ဆိုရင်တော့ -inurl:htm -inurl:html intitle:"index of" mp3 "guns n roses" ဒီကုဒ်ကို အသုံးပြု ရှာနိုင် ပါတယ်။ အဲဒီ ကုဒ်ရဲ့ နောက်ဆုံး mp3 နောက်က ကွင်းထဲမှာ ကိုယ်ရှာချင်တဲ့ သီချင်းနာမည် ဒါမှမဟုတ် အဆိုတော် နာမည်ကို ပြောင်းထည့်ပြီး ရှာရုံပါပဲ။ ဒီလို ရှာခြင်းအားဖြင့် ဆိုဒ်ရဲ့ Directory ကို တိုက်ရိုက် ရောက်တာ ဖြစ်တာကြောင့် တခါတရံ Access Denined ဖြစ်တတ်ပါတယ်။ ဒါပေမယ့် အားသာချက်က virus တွေ spyware တွေ မကပ်နိုင်ပါဘူး။

နောက် Search Engine ကို လူသိနည်းတဲ့ အသုံးချစရာ နည်းလမ်း တွေလည်း ရှိပါသေးတယ်။ ဒါကတော့ Search Operators တွေကို သုံးပြီးရှာခြင်းပါ။ ဒီ Search Operators တွေကို နာမည်ကျော် Search Engine တော်တော် များများမှာ အသုံးချနိုင်ပါတယ်။ Search Operators တွေက query မှာ ပါတဲ့ စကားလုံး တွေကို တွဲဆက် ပေးပါတယ်။ ဒီ Operators တွေ အကြောင်းကို Search Engine တွေရဲ့ Help pages တွေမှာလည်း ဖတ်ရှုနိုင် ပါတယ်။ Search Operators ၇ မျိုးရှိပါတယ်။ အဲဒါတွေကတော့ -
1. AND
2. OR
3. NOT
4. Quotation Marks
5. NEAR
6. Wildcards
7. Field Searches ဆိုတဲ့ ၇ မျိုးပါ။

1. AND (+)
ဒီကုဒ်ကို ရှာလိုတဲ့ query နှစ်ခုလုံးပါတဲ့ result မျိုး လိုချင်ရင် သုံးပါတယ်။ ဥပမာ - railroad AND cars လို့ ရှာမယ် ဆိုရင် ရမယ့် result က railroad cars တွေ အကြောင်း၊ railroad cars တည်ဆောက်ပုံ အကြောင်း၊ railroad မှာ လမ်းချော်တဲ့ cars တွေ အကြောင်း စတဲ့ railroad နဲ့ cars ဆိုတဲ့ စာသားပါတဲ့ စာမျက်နှာ တွေကို ပြပေးမှာ ဖြစ်ပါတယ်။ ဒီကုတ်ကို ရေးတဲ့ အခါမှာ Operator သုံးရင် AND ကို အားလုံး အကြီးစာလုံးနဲ့ ရေးရပါမယ်။ ဒါ့အပြင် AND အစား ( + ) သင်္ကေတ အစားသုံးလို့ရပါတယ်။

2. OR
ဒီကုဒ် သုံးပြီး ရှာမယ် ဆိုရင်တော့ တစ်ခု မဟုတ် တစ်ခု လိုချင်တဲ့အခါ သုံးနိုင် ပါတယ်။ ဥပမာ - railroad OR cars လို့ ရှာလိုက်ရင် ရလဒ်က railroad ပေါ်က cars အကြောင်း ဖြစ်ချင် ဖြစ်မယ်၊ ဒါမှမဟုတ် railroad အကြောင်း ပဲပါတာမျိုး ဖြစ်ချင်ဖြစ်မယ်၊ cars အကြောင်းချည်းပဲ ပါတဲ့ စာမျက်နှာမျိုး တနည်းအားဖြင့် query နှစ်ခုထဲက တစ်ခုခု ပါရင်ကို ရလဒ် လာပြပေးမှာ ဖြစ်ပါတယ်။ သူ့ကိုလည်း ရေးတဲ့အခါ OR ဆိုပြီး အကြီးနဲ့ပဲ ရေးရပါမယ်။

3. NOT (-)
ဒီ Operator ကိုတော့ မလိုချင်တဲ့ စာသားမျိုး မပါအောင် ရှာတဲ့နေရာမှာ သုံးပါတယ်။ ဥပမာ - railroad NOT cars ဆိုရင် Search Engine က railroad ဆိုတဲ့ စာသားပါပြီး cars ဆိုတဲ့ စာသားမပါတဲ့ စာမျက်နှာ တွေကိုသာ ရှာဖွေပေးမှာ ဖြစ်ပါတယ်။ ဒီ Operator ကို သုံးရင် မပါစေချင်တဲ့ စာသားကို NOT နောက်မှာ ထည့်ရပါမယ်။ Operator ကို လည်း NOT ဆိုပြီး အကြီးစာလုံးနဲ့ ရေးရပါမယ်။ NOT မရေးဘဲ ( - ) ဆိုတဲ့ သင်္ကေတလေး နဲ့ လည်းသုံးလို့ ရပါတယ်။

4. Quotation Marks
ဒီ Operator ကတော့ ရိုးရှင်းပါတယ်။ ရှာလိုတဲ့ query ကို ( "" ) လေးထည့်ပေးခြင်းပါ။ ဥပမာ - "green card" လို့ ရိုက်ထည့်ပြီး ရှာရင် သူက Immigration အချက်အလက်တွေ အကြောင်း ပြပေး မှာပါ။

5. NEAR
ဒီ Operator ကိုတော့ ရှာလိုတဲ့ keyword နှစ်ခုရဲ့ အကွာအဝေးနဲ့ ရှာတဲ့နေရာမှာ သုံးပါတယ်။ သုံးတဲ့နေရာမှာ NEAR နောက်ကပ်ရပ်မှာ / သင်္ကေတ ထည့်ပြီး သုံးရ ပါမယ်။ ဥပမာ - library NEAR/15 congress ဆိုရင် ရလဒ်က library နဲ့ congress ဆိုတဲ့ စာသား နှစ်ခု စကားစု ၁၅ စု အတွင်းမှာ ရှိနေတဲ့ စာမျက်နှာ တွေကို ပြပေးမှာပါ။ Library Of Congress ဒါမှမဟုတ် Congress funds special library research လိုမျိုး စကားစု ၁၅ လုံးအတွင်းမှာ ရှိတဲ့ စာမျက်နှာ တွေ ပြပေး မှာပါ။ အဲဒီ ဥပမာ ပြထားတဲ့ ၁၅ ဆိုတဲ့နေရာမှာ လိုချင်တဲ့ အကွာအဝေး ထည့်ပြီး ရှာနိုင်ပါတယ်။ သူ့ကိုလည်း အားလုံး စာလုံး အကြီးနဲ့ ရေးရပါမယ်။

6. Wildcards ( * )
Asterisk ( * ) လို့ခေါ်တဲ့ ကြယ်ပုံ သင်္ကေတလေးရဲ့ တခြား အမည်က wildcard character လို့ခေါ်ပါတယ်။ ဒီ Operator ကိုတော့ အဓိပါယ် ဆင်တူတဲ့ စာသားမျိုးတွေ ရှာရင် သုံးပါတယ်။ ဥပမာ - medic* ဆိုရင် result က medic, medics, medicine, medical, medication နဲ့ medicinal စတဲ့ medic နဲ့ဆင်တူတဲ့ စာသားပါတဲ့ စာမျက်နှာတွေ ရှာပေးမှပါ။

7. Field Searches
ဒီ Operator ကိုတော့ စာမျက်နှာရဲ့ title ဒါမှမဟုတ် URL မှာ ပါတဲ့ စာသားကို ရှာဖို့ သုံးပါတယ်။ ဥပမာ - T:Computer ဆိုရင် Web page ရဲ့ Title မှာ ဒါမှမဟုတ် URL မှာ Computer ဆိုတဲ့ စကားလုံးပါတဲ့ စာမျက်နှာ တွေကို ပြပေး မှာပါ။ ရှာချင်တဲ့ keyword ရှေ့မှာ T: ဆိုတဲ့ စာသား ရေးလိုက်ရုံ ပါပဲ။ ဒီလို T: နဲ့ Title အလိုက် ရှာတာအပြင် အခြား ကုဒ်တွေကို Code Search မှာ ကြည့်ရှုနိုင် ပါတယ်။

ဒီလိုဆိုရင်တော့ Search Engine တွေကို ကောင်းကောင်း အသုံးချလို့ ရလောက်ပြီလို့ ထင်ပါတယ်။ Search Engine တွေမှာ အထက်ကလို Operators တွေ အပြင် ရိုးရှင်းတဲ့ မေးခွန်းတွေကို သုံးပြီး ရှာလို့ရ ပါတယ်။ ဥပမာ - movie + review လို့မရှာပဲ Where can I find music reviews? လို့ ရိုက်ပြီး ရှာနိုင် ပါတယ်။ လူသိများတဲ့ Search Engine အချို့ကတော့ -

search engine အဆန်း တွေတွေ့လို့ အားလုံးကို ပြန်ဝေမျှ ပါရစေ သူတို့က တစ်ချိန် ထဲမှာပဲ နာမည်ကျော် search engine တွေရဲ့ result ကို တစ်ချိန်ထဲမှာ ပြပေးနိုင်တယ် image တွေရှာရင်လည်း google တို့ yahoo, msn တို့မှာ ရှာတဲ့ result တွေကို တစ်ချိန်ထဲ တစ်ဆိုဒ် ထဲကနေ ပြပေး နိုင်တယ် တစ်ချို့တွေမှာဆို google, yahoo, msn တို့မှာတောင်မရတဲ့ site မျိုးစုံက video တွေ audio တွေပါ ရှာယူ နိုင်တယ် အဆင် ပြေတယ် ကြိုက်တယ် ဆို tool bar ပါ download လုပ်ယူ လိုက်လို့ ရတယ်...

www.dogpile.com (အားလုံးထဲမှာ အမိုက်ဆုံးတစ်ခုပဲ တစ်ချိန်ထဲမှာ google, yahoo, msn ကိုရှာလို့ရတဲ့အပြင် audio ရော video ပါရှာလို့ရတယ်)

www.doubletrust.net (ဒါက ဂျပန် က ကျောင်းသား တစ်ယောက် လုပ်ထားတာ)

www.gahooyoogle.com

Technorati tags:
all in one search engine, best search engine, new search engine, search engine, technology, web searching sites, web sites

ဂစ်တာ တီးဖို့ ၀ါသနာ ပါသူတွေ အတွက် ဆော့ဝဲ ကောင်းလေး တစ်ခု အကြောင်း အသိပေးပါရစေ။ သိပြီးသားလည်း ဖြစ်ချင် ဖြစ်မှာပါ Guitar Pro 5 ဆိုတဲ့ ဆော့ဝဲပါ နောက်ဆုံး ထွက်ထားတဲ့ version က 5.0 ပါ သီချင်းတွေရဲ့ guitar tab နှတ်လို့ ခေါ်တဲ့ tablature ကိုပြပေးနိုင်တယ် ပြီးတော့ သူမှာပါတဲ့ play ခလုတ်ကို နှိပ်လိုက်ရင် မူရင်း သီချင်းသံကို midi သံနဲ့ နှတ်ကို အချိန်ကိုက် ပြပေးနိုင်တယ် ဂစ်တာ နှတ်အပြင် တခြား bass, drum, piano, keybord, violin, Flute စတဲ့ တူရိယာတွေ ရဲ့ နှတ်တွေပါ ပြပေးနိုင်တယ် ကိုယ်တိုင် စပ်ထားတဲ့ သီချင်း တွကိုလည်း အဲဒီ ဆော့ဝဲ နဲ့ လိုအပ်တဲ့ အသံတွေ ထပ်စပ်လို့ ရတယ် သူရဲ့လိုချင်တဲ့ သီချင်း နှတ်ဖိုင်မှန်သမျှကို အင်တာနက်မှာ အလွယ်တကူ ရှာယူနိုင်တယ် ဖိုင်ဆိုဒ် ကလည်း တစ်ခု တစ်ခုမှ 30.0 KB တို့ 50 KB တို့လောက်ပဲ ရှိတယ် ဘယ် band မဆို နာမည်မရှိတဲ့ band က အစ သူတို့ ရဲ့ မူရင်း နှတ်တွေကို ရှာယူ ပြီး လေ့ကျင့်နိုင်တဲ့ ဘက်စုံ သုံး ဆော့ဝဲကောင်း တစ်ခုပေါ့ သုံးမယ်ဆိုရင် ဂစ်တာ သိပ် ကျွမ်းကျင်စရာ မလိုပါဘူး chord တီးတတ်ရုံ ကြိုးညွှိ တတ်ရုံလောက်နဲ့ တင်ရပါတယ် သူတီးပုံနဲ့  tab နှတ် ဘယ်လို ကြည့် ရတယ် ဆိုတာ သိရင် အဆင် ပြေပါတယ် အဆင် မပြေတာ ရှိရင် ကျွန်တော့် ကိုမေးပါ ကျွန်တော် သိသလောက်ရှင်း ပြပေးပါမယ် ကျွန်တော် ဂစ်တာကို ဆရာ နဲ့ မသင်ဖူးဘူး အဲဒီ ဆော့ဝဲတွေ သုံး စာအုပ်တွေ ဖတ်နဲ့ပဲ နဲနဲပါးပါး တီးတတ် သွားတာ...